தென்காசி மாவட்டம், புளியங்குடி மனோன்மணியம் சுந்தரனார் பல்கலைக்கழகக் கல்லூரியில் பட்டமளிப்பு விழா நடைபெற்றது.
விழாவிற்கு கல்லூரி முதல்வர் முனைவர் எஸ்.கண்ணன் தலைமை தாங்கினார். சிறப்பு விருந்தினர்களாக மனோன்மணியம் சுந்தரனார் பல்கலைக்கழகத்தின் தேர்வாணையர் முனைவர் யூ.பாலசுப்ரமணியம், வாசுதேவநல்லூர் சட்டமன்ற உறுப்பினர் டாக்டர் டி.சதன் திருமலை குமார், மனோன்மணியம் சுந்தரனார் பல்கலைக்கழகக் கல்லூரிகளின் இயக்குனர் முனைவர் ஏ.வெளியப்பன் ஆகியோர் கலந்து கொண்டு மாணவ, மாணவியருக்கு பட்டச் சான்றுகளை வழங்கினார்கள். இவ்விழாவில் 140 மாணவ, மாணவியர் கலந்து கொண்டு பட்டச் சான்றுகளை பெற்றுச் சென்றனர். நிகழ்ச்சிக்கான ஏற்பாடுகளை துறைத் தலைவர்கள், பேராசிரியர்கள், அலுவலகப் பணியாளர்கள் மற்றும் மாணவ, மாணவியர் செய்திருந்தனர்.
