புதுக்கோட்டை மாவட்டம், இலுப்பூர் மேட்டுச்சாலையில் அமைந்துள்ள மதர் தெரசா இயற்கை மற்றும் யோகா மருத்துவக் கல்லூரி மருத்துவமனையும், புதுக்கோட்டை அகர்வால் கண் மருத்துவமனை மற்றும் ஹியர் சாப் செவி மருத்துவமனை இணைந்து நடத்திய இலவச மருத்துவ முகாம் இன்று நடைபெற்றது.
முகாமில் கிட்ட பார்வை, தூரப்பார்வை, கண்புரை, விழித்திரை பாதிப்பு, காது சம்பந்தப்பட்ட பிரச்சனைகள், ரத்த அழுத்தம், ரத்த சர்க்கரை அளவு, கை, கால் வலி, முதுகு வலி, தைராய்டு, சைனஸ் ஆகிய நோய்களுக்கு பரிசோதனைகள் செய்து ஆலோசனைகள் வழங்கப்பட்டது. முகாமினை கல்லூரி நிறுவனங்களின் தாளாளர் ஆர்.சி.உதயகுமார் குத்துவிளக்கேற்றி துவக்கி வைத்தார்.
அகர்வால் கண் மருத்துவமனை மருத்துவர் ஜீவா மற்றும் அவரது குழுவினர் கண் பரிசோதனைகள் செய்தார்கள். முகாமில் மதர் தெரசா கல்வி நிறுவனங்களின் இயக்குனர் திருமா பூங்குன்றன், உடற்கல்வி இயக்குனர் மகேந்திரன் ஆகியோர் பங்கு பெற்றார்கள். இலுப்பூர் மற்றும் அதனை சுற்றியுள்ள பகுதிகளை சார்ந்த ஏராளமான பொதுமக்கள் முகாமில் பயனடைந்தார்கள்.
