புதுக்கோட்டை முதன்மைக்கல்வி அலுவலகம் அருகில் உள்ள ஒருங்கிணைந்த பள்ளிக்கல்வி அலுவலக மாடியில் பத்தாம் வகுப்புதுணைத்தேர்வு சம்பந்தமாக நடைபெற்ற முன்னேற்பாடு கூட்டத்திற்கு மாவட்ட முதன்மை கல்வி அலுவலர் சண்முகம் தலைமை தாங்கிட புதுக்கோட்டை மாவட்ட கல்வி அலுவலர் ஆ.ரமேஷ் முன்னிலையில் நடைபெற்ற கூட்டத்தில். முதன்மைக்கல்வி அலுவலர் ( பொ) கூ.சண்முகம் கலந்துகொண்டு பத்தாம் வகுப்பு துணைத்தேர்விற்கு நியமிக்கப்பட்ட வினாத்தாள் கட்டுக்காப்பாளர்கள், வழித்தட அலுவலர்கள், முதன்மைக்கண்காணிப்பாளர்கள், துறை அலுவலர்கள் ஆகியோர் அவரவருக்கு ஒதுக்கப்பட்ட பணிகளை நன்கு தெரிந்துகொண்டு எவ்வித புகாருக்கும் இடமளிக்காத வகையில் தேர்வினை சிறப்பாக நடத்த தக்க ஆலோசனைகளை வழங்கினார்.
இக்கூட்டத்தில் புதுக்கோட்டை தேர்வுத்துறை உதவி இயக்குநர் தமிழரசன், புதுக்கோட்டை மாவட்ட பள்ளித்துணை ஆய்வாளர் குரு.மாரிமுத்து, மற்றும்,முதன்மைக்கண்காணிப்பாளர்கள், துறை அலுவலர்கள், வழித்தட அலுவலர்கள், வினாத்தாள் கட்டுக்காப்பாளர்கள் மற்றும் பலர் கலந்துகொண்டனர்.
