விவசாயிகள் நலத்துறைக்கு ட்ரோன்கள் பயன்படுத்த அனுமதி: விமான போக்குவரத்துத்துறை அமைச்சகம்

விவசாயிகள் நலத்துறைக்கு ட்ரோன்கள் பயன்படுத்த அனுமதியளித்து இந்திய விமான போக்குவரத்துத்துறை அறிக்கை வெளியிட்டுள்ளது.

இது தொடர்பாக உள்நாட்டு விமானப் போக்குவரத்து அமைச்சகம் வெளியிட்ட செய்திக் குறிப்பில், பிரதமரின் பயிர் காப்பீடு திட்டத்தின் கீழ் நாட்டின் 100 மாவட்டங்களில் உள்ள வேளாண் பகுதிகளில் கிராம பஞ்சாயத்து அளவில் உற்பத்தி அளவை மதிப்பிடுவது போன்ற தரவு சேகரிப்புகளுக்கு மட்டுமே ட்ரோன்களை பயன்படுத்த இந்த அனுமதி அளிக்கப்பட்டுள்ளது.

அனுமதி கடிதம் வழங்கப்பட்ட தேதியிலிருந்து ஒராண்டு காலம் அல்லது வான் டிஜிட்டல் தளம் பயன்படுத்தும் வரை, இதில் எது முன்போ அதுவரை அனுமதி செல்லுபடியாகும்.

இதற்கான விதிமுறைகள் கடுமையாக பின்பற்றப்பட்டால் மட்டுமே இந்த அனுமதி செல்லுபடியாகும். வதிமுறைகளை மீறினால் இந்த அனுமதி செல்லாததாகிவிடும். விதிகளை மீறுவோர் மீது சட்டப்படி நடவடிக்கையும் எடுக்கப்படும்’ என்று தெரிவிக்கப்பட்டுள்ளது.

மேற்கண்ட விதிகளுக்கு உட்பட்டு ட்ரோன்கள் பயன்படுத்துவதற்கு வேளாண் மற்றும் விவசாயிகள் நலத்துறைக்கு, விமான போக்குவரத்து துறை அமைச்சகம், விமான போக்குவரத்து துறை இயக்குனரகம் ஆகியவை அனுமதி வழங்கியுள்ளது.

LEAVE A REPLY

Please enter your comment!
Please enter your name here

+ 45 = 49