மூத்த ஐ.ஏ.எஸ் அதிகாரிகளைக் கொண்டு 9 சிறப்பு குழுக்கள் அமைக்கப்படும்: முதல்வர் அறிக்கை

கொரோனா வைரஸ் நோய் தடுப்பு நடவடிக்கையாக தமிழக அரசு பல்வேறு முயற்சிகளை மேற்கொண்டு வருகிறது. இருப்பினும், தமிழகத்தில் புதிதாக 8 பேருக்கு கொரோனா பாதிப்பு உறுதி செய்யப்பட்டுள்ளநிலையில், தமிழகத்தில் கொரோனாவால் பாதிக்கப்பட்டவர்களின் எண்ணிக்கை 50 ஆக உயர்ந்துள்ளது என சுகாதாரத்துறை செயலர் பீலா ராஜேஷ் தெரிவித்துள்ளார். இந்நிலையில் முதல்வர் பழனிசாமி அறிக்கை ஒன்றை வெளியிட்டுள்ளார்.

அதில், பிறமாநிலங்களை சார்ந்த தொழிலாளர்களுக்கு உணவு, இருப்பிடம், மருத்துவ வசதிகள் அனைத்தும் வேலைபார்த்த நிறுவனங்களே தொடர்ந்து ஏற்பாடு செய்யவும், இதை மாவட்ட ஆட்சியர்கள் உறுதிசெய்யவும் உத்தரவு பிறப்பிக்கப்பட்டுள்ளது. வெளிமாநில தொழிலாளர்களுக்கு உதவ மூத்த ஐஏஎஸ் அதிகாரிகள் கொண்ட இரு குழுக்கள் அமைக்கப்பட்டு, தற்போதுள்ள இருப்பிடம் நெருக்கடியாக இருப்பின் மாற்று தங்கும்வசதி ஏற்படுத்தி தர வேண்டும் எனவும் கூறப்பட்டுள்ளது.

கொரோனாவை கட்டுப்படுத்த அனைத்து மாவட்டங்களில் நெருக்கடிகால மேலாண்மைக்குழு அமைக்கவும், பள்ளிகள், கல்லூரிகள், தனியார் நிறுவனங்களில் சம்பள பட்டியல் தயாரிக்க 3 பேருக்கு மட்டுமே அனுமதி அளிக்கப்பட்டுள்ளது. மாவட்ட ஆட்சியர்கள், சென்னை மாநகராட்சி ஆணையர் மூலம் சிறப்பு அனுமதி தரப்படும். அடுத்த 2 மாதங்களில் பிரசவிக்க உள்ள சுமார் 1.5 லட்சம் தாய்மார்கள் கண்டறியப்பட்டுள்ளதாகவும், கர்ப்பிணிகளின் உடல்நிலை குறித்து தனி கவனம் செலுத்துமாறு மருத்துவ அலுவலர்களுக்கு உத்தரவு பிறப்பிக்கப்பட்டுள்ளது.

காய்கறி, இறைச்சி, மீன் அங்காடிகளில் சமூக விலகல் கடைபிடித்தலை செயல்படுத்த ஆட்சியர்களுக்கு ஆணை பிறப்பிக்கப்பட்டுள்ளது. தீவிர சுவாசக்கோளாறுடன் தனியார் மருத்துவமனையில் அனுமதிக்கப்பட்டோரை கண்காணித்து சுகாதாரத்துறைக்கு தனியார்மருத்துவமனை தகவல் தெரிவிக்கவேண்டும். பல்வேறு பணிகளை ஒருங்கிணைந்து செயல்படுத்த மூத்த ஐ.ஏ.எஸ் அதிகாரிகளைக் கொண்டு 9 சிறப்பு குழுக்கள் அமைக்கப்பட்டுள்ளது என பல்வேறு முடிவுகள் அறிக்கையில் கூறப்பட்டுள்ளது.

LEAVE A REPLY

Please enter your comment!
Please enter your name here

− 2 = 2