நடிகர் சிலம்பரசனுக்கு ‘கவுரவ டாக்டர் பட்டம்’ வழங்குவதாக அறிவித்த வேல்ஸ் பல்கலைக்கழகம்

நடிகர் சிலம்பரசனுக்கு ‘கவுரவ டாக்டர் பட்டம்’ வழங்குவதாக வேல்ஸ் பல்கலைக்கழகம் அறிவித்துள்ளது.

நடிகர் சிலம்பரசனுக்கு வேல்ஸ் பல்கலைக்கழகம் தற்போது கவுரவ டாக்டர் பட்டம் வழங்கவுள்ளது.ஆண்டுதோறும் கலைத்துறையில் சாதனைப் படைத்தவர்களுக்கு ‘கவுரவ டாக்டர்’ பட்டத்தினை வழங்கி வருகிறது. அந்த வகையில், இந்த வருடம் நடிகர் சிலம்பரசனை தேர்ந்தெடுத்து கவுரவிக்கவுள்ளது. ஏற்கனவே, எம்.ஜி.ஆர், சிவாஜி, கமல்ஹாசன், விக்ரம், விஜய் உள்ளிட்ட நடிகர்களுக்கு ’கவுரவ டாக்டர்’ பட்டத்தினை இந்நிறுவனம் வழங்கியுள்ளது குறிப்பிடத்தக்கது. 

நடிகர் சிலம்பரசனுக்கு வரும் 11 ஆம் தேதி ‘கவுரவ டாக்டர்’ பட்டம் வழங்கவுள்ள நிலையில், ஐசரி கணேஷ் பேசும்போது, ”மரியாதைக்குரிய நடிகர் சிலம்பரசனுக்கு ’கவுரவ டாக்டர்’ பட்டத்தைக் கொடுப்பதில் பெரும் மகிழ்ச்சியடைகிறோம். எங்கள் பல்கலைக்கழகத்தில் இந்த விருதுக்கு தகுதியான நபர்களைத் தேர்ந்தெடுப்பதற்கென்று ஒரு குழு இருக்கிறது. அவர்கள் பல்வேறு துறைகளிலும் சாதனை செய்யும் பிரபலங்களை கவனமாக ஆய்வு செய்து இறுதிப் பட்டியலை முடிவு செய்வார்கள்.

அந்தவகையில் ஆறு மாத குழந்தையாக இருக்கும் போதே திரைத்துறையில் நடிக்க வந்தவர் சிலம்பரசன். விரைவில் அவருக்கு 39 வயது ஆகப்போகிறது. ஒருத்தரோட வயதும், அவரோட கேரியரும் ஒரே ஆண்டாக அமைவது அபூர்வம். அப்படியொரு ஆசிர்வதிக்கப்பட்ட கலைஞன்தான் சிலம்பரசன். நடிப்பு,இயக்கம், இசை, பாடகர் என சினிமாவில் பல்வேறு துறைகளிலும் இப்போதுவரை சாதனை படைத்து வரும் அவரின் சாதனையைக் கவுரவிப்பதன் பொருட்டே இந்த ’கவுரவ டாக்டர்’ என்கிற அங்கீகாரம். அதை எங்கள் வேல்ஸ் பல்கலைக்கழகம் வழங்குவதில் எங்களுக்கு கூடுதல் மகிழ்ச்சி” என்கிறார்.

LEAVE A REPLY

Please enter your comment!
Please enter your name here

36 − = 32