எங்களை பற்றி

புதுகை வரலாறு நாளிதழ்

புதுக்கோட்டையை தலைமையிடமாகக்கொண்டு இயங்கிவரும் புதுகை வரலாறு நாளிதழ் தமிழகம் முழுவதும் வெளிவந்துகொண்டிருக்கிறது.கடந்த 2015ம் ஆண்டு அக்டோபர் 2ம் தேதி காந்திஜெயந்தி அன்று புதுகைவரலாறு தனது முதல் பதிப்பை தொடங்கியது.

தமிழகத்தில் வெளிவந்துகொண்டிருக்கக்கூடிய பல்வேறு நாளிதழ்கள் மற்றும் ஊடகங்களில் செய்தியாளராக சுமார் 10 ஆண்டுகள் பணியாற்றி எனது 29வது வயதில் புதுகைவரலாறு நாளிதழை சு.சிவசக்திவேல் ஆகிய நான் தொடங்கினேன்.

நாளிதழ் தொடங்கப்பட்ட போது புதுக்கோட்டை, திருச்சி, சிவகங்கை, தஞ்சாவூர், கரூர், பெரம்பலூர், அரியலூர், நாகப்பட்டினம், திருவாரூர், ராமநாதபுரம், திண்டுக்கல் ஆகிய மாவட்டங்களில் மட்டுமே வெளிவந்துகொண்டிருந்தது.

பின்னர் புதுகைவரலாறு தனது இரண்டாவது பதிப்பை தலைநகரான சென்னையில் 2017ம் ஆண்டு அக்டோபர் 2ம் தேதி காந்திஜெயந்தி அன்று தொடங்கியது. நாளிதழ் தொடங்கியது முதல் சென்னை, திருவள்ளூர், காஞ்சிபுரம், சேலம், வேலூர், தர்மபுரி, கிருஷ்ணகிரி, மதுரை, நாமக்கல், கோயமுத்தூர் ஆகிய மாவட்டங்கள் உட்பட தமிழகம் முழுவதும் வெளிவந்துக்கொண்டிருக்கிறது.