இந்தியாவின் முதல் ‘விக்ரம்-எஸ்’ தனியார் ராக்கெட்:  இன்று வெற்றிகரமாக ஏவியது ‘இஸ்ரோ’

இந்திய விண்வெளி ஆராய்ச்சி நிறுவனம் (இஸ்ரோ), ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் இருந்து, முழுமையாக தனியார் தயாரித்த ராக்கெட்டை இன்று நவ.18ம் தேதி (வெள்ளிக்கிழமை) காலை 11.30 மணிக்கு வெற்றிகரமாக விண்ணில் ஏவியது.

தெலுங்கானா தலைநகர் ஐதராபாத்தை தலைமையிடமாகக் கொண்டு செயல்படும், ‘ஸ்கைரூட் ஏரோஸ்பேஸ்’ என்ற நிறுவனம் ‘விக்ரம்-எஸ்’ என்ற இந்த ராக்கெட்டை தயாரித்துள்ளது. இந்தப்பணிக்கு ‘பிரரம்ப்’ என பெயரிடப்பட்டுள்ளது.

இது இந்தியாவில் தனியாரால் தயாரிக்கப்பட்ட முதல் ராக்கெட்டாகும். 83 கிலோ எடையை தூக்கிச் செல்லும் இந்த ராக்கெட் 2 இந்திய செயற்கைக்கோள்கள், ஒரு வெளிநாட்டு செயற்கைக்கோள் உள்பட 3 செயற்கைக்கோள்களை சுமந்து சென்றது.

ஒரே நிலையை கொண்ட இந்த ராக்கெட் 545 கிலோ எடையும், 6 மீட்டர் உயரமும், 0.375 மீட்டர் விட்டமும் கொண்டது. 7 டன் உந்து சக்தியை கொண்டது. இந்த 3 செயற்கைக்கோள்களும் பூமியின் மேற்பரப்பில் இருந்து 120 கி.மீ., உயரத்தில் 300 வினாடிகளில் கொண்டு சென்று நிலை நிறுத்தப்படுகிறது. பூமியில் இருந்து தகவல்களை திரட்டுவதற்கு பயன்படுத்தப்படுகிறது என்று இஸ்ரோ விஞ்ஞானிகள் பெருமிதம் தெரிவித்தனர்.

LEAVE A REPLY

Please enter your comment!
Please enter your name here

+ 45 = 54